Danksy ‘n groep toegewyde en baie bekwame afrigters, is atletiek by Laerskool Aliwal-Noord kerngesond.

Laerskool Aliwal-Noord bied 'n interhuis byeenkoms aan gedurende Januarie waar twee kleurspanne, naamlik Groen en Oranje meeding teen mekaar. Alle leerders in die skool neem deel aan hierdie byeenkoms.

'n Span word dan gekies om die skool by die dorpsbyeenkoms te verteenwoording, waar al die laerskole in Aliwal-Noord deelneem.

Na die dorpsbyeenkoms word daar weer ‘n span gekies wat Aliwal-Noord op ‘n CMC-byeenkoms verteenwoordig.  Op hierdie byeenkoms neem skole van die hele Senqu-streek deel.  Atlete wat hier kwalifiseer, neem aan die Joe Gqabi-byeenkoms deel, waar atlete uit die verskillende CMC’s teen mekaar meeding.

'n Joe Gqabi-span word dan gekies om die Joe Gqabi streek te verteenwoordig by die Oos-Kaap Kampioenskappe waar atlete van regoor die Oos-Kaap meeding.

Atlete wat in die Oos-Kaapspan opgeneem word, verteenwoordig die Oos-Kaap by die Suid-Afrikaanse Skole Atletiekkampioenskappe (SASA).  Dit is onderhewig aan streng keuring en atlete moet kwalifiseer volgens vasgestelde kwalifiserede standaarde. LSAN lewer elke jaar ‘n goeie hoeveelheid atlete wat aan die SA-kampioenskappe deelneem. 

Gedurende die vierde kwartaal het atlete ook die geleentheid om aan verskeie byeenkomste in Bloemfontein deel te neem wat deur Atletiek Suid-Afrika (ASA) gereël word.