Slaagvereistes word streng volgens die riglyne van die Departement van Basiese Onderwys, gevolg. Alle formele assesseringsopdragte, soos deur die departementele riglyne uiteengesit, word afgeneem en alle punte word op die Nasionale datastelsel, bekend as SA-SAMS, ingevoer.
Punte-verwerking word outomaties deur dié stelsel gedoen, volgens die gewigsfaktore wat aan elke moontlike onderafdeling van die verskillende vakke toegeken is.
Rapporte word ook deur die SA-SAMS datastelsel saamgestel en daarvolgens uitgedruk. Tradisioneel word rapporte by die Laerskool Aliwal-Noord op die laaste dag van ‘n kwartaal uitgedeel. Leerlinge ontvang ‘n harde kopie van hul rapporte, maar ‘n digitale weergawe is ook, op versoek van enige ouer, by die klasonderwyser beskikbaar. Indien ‘n leerling nie sy/haar rapport in ontvangs kan neem nie, sal die rapport op Dag 1 van die volgende kwartaal beskikbaar wees. Slegs aan die einde van die jaar word onafgehaalde rapporte gepos of per e-pos aangestuur.
